Մեր զարմանահրաշ և բազմազգ աշխարհում գոյություն ունեն բազմաթիվ ավանդույթներ: Ավանդույթը, որի մասին հիմա կպատմենք՝ գրավում է իր իմաստությամբ և դրական վարվելակերպով…
Գոյություն ունի աֆրիկական մի ցեղ, որում մարդիկ հետևում են այս ավանդույթին.
Երբ ցեղից որևէ մեկը վատ արարք է կատարում, նրան բերում են ավանի կենտրոն, շրջապատում ամբոխով, 2 օրվա ընթացքում հիշում են այն բոլոր լավ արարքները, որ կատարել է տվյալ մարդը և շնորհակալություն հայտնում նրան:
Նրանք համարում են, որ յուրաքանչյուր մարդ լավն ու բարի է լույս աշխարհ գալիս: Յուրաքանչյուրը սիրո, երջանկության, խաղաղության և անվտանգության է ձգտում, բայց այս արժեքների ետևից վազելով՝ մարդիկ երբեմն սխալվում են: Ցեղը այդ ամենում ազդանշան է տեսնում՝ օգնության կանչ: Նրանք միավորում են իրենց ուժերը, որպեսզի ոգևորեն ընկածին, վերականգնեն նրան և բերեն իրական էության՝ հիշեցնելով թե ով է նա իրականում:
Աղբյուրը` mediamag.am
Հ.Գ.
Հետաքրիր է, այս նյութը կարդալուց հետո կմտածե՞ս, թե ինչպես ես վարվում այն մարդկանց հետ, ովքեր սայթաքում են` որևէ սխալ կամ վատ արարք են կատարում:
Հարցեր և առաջադրանք
Հարգելի սովորող, առաջադրված հարցերին կարող ես պատասխանել գրավոր կամ բանավոր. ինչպես կնախընտրես: Պատասխաններդ ձևակերպիր հնարավորինս կոնկրետ ու պատճառաբանված: Գրավոր պատասխանները հրապարկի’ր քո բլոգում, իսկ բանավոր պատումդ այնպես մշակիր ու ձևակերպիր, որ արդյունքում ռադիոնյութ ստեղծվի: Ի դեպ, կարող ես առաջադրաված հարցերը ուղղել նաև ծանոթ-անծանոթների, ընտանիքիդ անդամներին, ընկերներիդ: Հուսով եմ` հետաքրքիր և օգտակար աշխատանք է:
- Ի՞նչ էին անում ցեղակիցները «ընկածին» ոգևորելու համար. ինչո՞ւ:
- Հիշեցնում են իր կատարած լավա արարքները
- Ընդգծի’ր տեքստի ամենակարևոր նախադասությունը:
- Նրանք միավորում են իրենց ուժերը, որպեսզի ոգևորեն ընկածին, վերականգնեն նրան և բերեն իրական էության՝ հիշեցնելով թե ով է նա իրականում:
- Վերլուծի’ր աֆրիկյան ցեղի այս արարքը ու ձևակերպիր քո վերաբերմունքը:
- Այս ցեղի ներկայացուցիչները յուրահատուկ տարբերակվեն ընտրել մարդուն դարձի բերելու։ Յուրաքանչյուր մարդ ունի սխալվելու հնարավորություն, բայց պետք է հնարավորություն տանք շտկելու սխալը։
- Ինչո՞ւ են մարդիկ սխալվում: Քո ձևակերպմամբ ի՞նչ է սխալը:
- Մարիկ սխալվում են, քանի որ երկար չեն մտածում, կյանքի փորձը չի բավարարում։ Իմ կարծիքով, եթե ինչ-որ բան անում ես ոչ այնպես, ինչպես ընդունված է մարդկանց մեծ մասի կողմից, և որը առաջացնում է վատ հետևանքներ, համարվում է սխալ։
- Ինքդ ինչպե՞ս ես վարվում քո կարծիքով վատ արարք կատարած մարդու հետ:
- Ես ուղղակի ներում եմ և հնարավորություն եմ տալիս նրան շտկելու իր սխալը։
- Երբ վատ արարք ես կատարում, շրջապատդ, համադասարանցիներդ ինչպե՞ս են արձագանքում:
- Ես աշխատում եմ վատ արարքներ չգործել։
- Կարո՞ղ ես քեզ հետ պատահած նմանատիպ մի իրավիճակ ներկայացնել:
- Չեմ մտաբերում այդպիսի իրավիճակ։
Ալվինա Խարազյան 